राउमावि पाला कुराली जखोली रूद्रप्रयागा नौनो कि कविता - प्रस्तुति अश्विनी गौड अध्यापक विज्ञान राउमावि पाला कुराली जखोली रूद्रप्रयाग ।

यि कविता  राउमावि पाला कुराली जखोली रूद्रप्रयागा मा दर्जा छे से दस तका नौनो कि छन लेख्यीं | यों कवितों मा नईं छंवालि का बिगच्यां नौना ,नया अर पुराण जमना मा अयूं फरक अर रोंत्येला पहाड़ का बारा  मा छ लेख्युं | बाड्दि जनसँख्या पर भी फिकर छ जतलायीं अर विज्ञान भी छ समयुं |  यों स्वानि कवितों का  वास्ता नई छंवालि का यों क्व्यो  तैं हार्दिक बधाई | हार्दिक बधाई यों का मेंटर विज्ञान अध्यापक अश्वनि गौड़ तैं भी |                                                                               -            सम्पादक  --'छोरा'--- आज का जमाना छोरा, सैरा गौं मा, पिटयू ढिंढोरा, लंबा बाल रख्या छिन, लुंड- गुंड, कठ्ठा कर्या छिन, बेबी कट बाळ, रख्या छिन, फाटी पैंट पैन्ना छिन, नौनी जन दिख्याणा छिन, छौरा कना, काल छिन, लंबा तौंका बाळ छिन। फेसियल करैक  गळोडी  बणीं लाल छिन, चारपै निस मकड़जाळ लग्या। मेंहन्दी रात मा, जांणा छिन, दारू पीक औंणा छिन, आंख्यू चश्मा लग्या अर गैंडू-गैंडू पड्या छिन। राजपाल राणा कक्षा 10, राउमावि पाला कुराली जखोली रूद्रप्रयाग 2-  --पैंसा अर भैंसा-- पैलि नि रंदा छा,  पैंसा, तब कखै ल्यौंण छा भैंसा, अब सबुमा छकी  पैंसा पर क्वे नी रखणू  भैंसा पैलि जौंका रंदा छा  भैंसा, सि ब्यच्दा छा  घ्यू-दूध, तब औंदा छा  पैंसा। अब त नी रखणां क्वे  भैंसा? पर तब भी सबुमा छिन पैंसा। कुलदीप राणा कक्षा 10, राउमावि पालाकुराली  जखोली । 3- ---बसंत--- हमारु पहाड़ ऊंचा निसा डांडा, यख छिन हरी-भरी डाळी बसंत रितु मा, खिलदा फूल पहाड़ मा होंदा, रंगबिरंगा फूल  पहाड़ मा,  फ्योली बुंराश फुलारी रंदन  तौंका सास क्वे खट्टी-मिट्ठी  छ्वीं लगौंणा, कखि खट्टा-मिट्ठा  पकवान बंण्णा, क्वे रंगिला-पिंगला  त्योहार मनौंणा,  फ्यूंली बुरांश, पैंया घर्या, बनिबन्यां फूल धर्ती सजौंणा। दिव्या राणा कक्षा-6  राउमावि पालाकुराली  जखोली रूद्रप्रयाग --- 4- --विज्ञान --- विज्ञान सबसे बडु ग्यान मार्कोनी न रेडियो बणांई भलि बूरी खबर सुंणाई एडिसन न बल्ब बणांई सैरी दुनिया उजाळू दिखाई। कखि विज्ञान न दवै बणाई रोग बिमारी दूर भगाई ग्राहम बेलन टेलीफोन बणाई रंत-रैबार स्यट्ट पौंछाई। अपेक्षा राणा  कक्षा 8 पालाकुराली 5- ---जनसंख्या--- दुन्यां मा जनसंख्या बढ़ी संगती आबादी ह्वे, चार छोरों तै स्कूल हरची द्वी छोरों स्कूल जाणौ ह्वे। परिवार मा आबादी बढ़ी परिवार मा गरीबी ह्वे जनसंख्या ज्यादा ह्वोण से बणौं डाळों चिरान लगी। यका चार,  चारों का सौळा ह्वैन, मकान बणोणो जगै नि ह्वे तब तौंन बण कटैन। यौं दिन अब यन आलू जब सैरि दुन्यां अकाळ पड़लू येकु जुम्बार सिर्फ़ मनखी  बढदि जनसंख्या राली। चार पाँच छोरों तै,खवौण बडु-भारी जुलम हवैगी, छोटु जौंकु परिवार तख छक्कीं खतैंणौं भी पौदू ह्वेगी। ----खुशी राणा कक्षा 8, राउमावि पालाकुराली जखोली रूद्रप्रयाग 6-विज्ञान अगर विज्ञान नि होंदु नै युग नि ओंदु, कै धांणि हमुतै पतै नि होंदि सोचा दुनिया कति पेथर रोंदि। विज्ञान न गाड़ी बणाई हमुतै कति सुविधा कर्याई विज्ञानन जाज बणाई दुनिया भर मा मिनटों मा पौछाईं विज्ञान च त सबि धांणी विज्ञान नी त कुछ भी नी पैलि जांदि छे चिठ्ठी पतरि मैनो टैम लगदू छो ग्राम बेलन दिमाग लगाई टेलीफोन यंत्र बणांई। वन टू थ्री फोर हमारा वैज्ञानिक फिट फोर जख देखा तखि विज्ञान रोज ओणू नयु ज्ञान। -----साक्षी राणा   कक्षा -9 राउमावि पाला कुराली जखोली ।